საქართველოს მთავრობის კანცელარიაში, პრემიერ-მინისტრის ვანო მერაბიშვილის ხელმძღვანელობით გუშინ მთავრობის სხდომა გაიმართა.
მთავრობის კანცელარიის ინფორმაციით, სხდომაზე განხილვის მთავარი თემა არჩევნების შემდგომ შექმნილი ვითარება იყო.
როგორც მთავრობის ვებ-გვერდზეა აღნიშნული, პრემიერ-მინისტრმა მინისტრებს სთხოვა, ახალი მთავრობის ფორმირებამდე, ჩვეულ რეჟიმში განაგრძონ მუშაობა.
„პრემიერ-მინისტრმა მინისტრებს სთხოვა, ახალი მთავრობის ფორმირებამდე, ჩვეულ რეჟიმში განაგრძონ მუშაობა, რათა გარდამავალ პერიოდში უზრუნველყოფილი იქნეს საქართველოს ყველა მოქალაქის უსაფრთხოება და ყველა სახელმწიფო ინსტიტუტმა განაგრძოს საკუთარი ფუნქციების შესრულება“, - ნათქვამია მთავრობის ვებ-გვერდზე.
