თამაზ თამაზაშვილის სიცოცხლე საფრთხეშია - ამის შესახებ საგანგებო განცხადება გლდანის მე-8 საპყრობილესთან გაკეთდა. განცხადება „ქართული ოცნების“ ერთ-ერთმა ლიდერმა და თამაზაშვილის სიძემ, ირაკლი ღარიბაშვილმა გააკეთა.
„დღეს ყველამ ერთად ვნახეთ, თუ რა საშინელი კადრები გაავრცელეს „იმედმა“, „რუსთავი 2“-მა და საზოგადოებრივმა მაუწყებელმა. ეს იყო ცილისმწამებლური და მკრეხელური კადრები. ხელისუფლება ცდილობს, ყველა კრიმინალი, რაც ამ ციხეში ხდება, ჩემ სიმამრს დააბრალოს, რომელიც სააკაშვილის პირადი მძევალია,“-განაცხადა ირაკლი ღარიბაშვილმა.
