[ipn]
საქართველოს ეკონომიკისა და მდგრადი განვითარების მინისტრის ვერა ქობალიას ისარაელში ნახვა არ სურთ. ამის შესახებ ინტერნეტ პორტალი "იზრუს" წერს.
19 მარტს, ისრაელის ერთ-ერთმა ავტორიტეტულმა ჟურნალისტმა ბენ კასპიტმა NRG-ზე გამოაქვეყნა სტატია, სადაც აღნიშნა, რომ ცუდი არ იქნებოდა ვერა ქობალიას ვიზიტის გადადება. ჟურნალისტი ისრაელის ტურიზმის მინისტრს სტას მისეჟნიკოვს ურჩევს, ქობალის მიანიშნოს, რომ მას ქვეყანაში არ ელოდებიან. ამის მიზეზი კი თბილისში მიმდინარე ებრაელი ბიზნესმენების რონი ფუქსისა და ზევ ფრენკელის სასამართლო პროცესია, რომელმაც მნიშვნელოვნად გააფუჭა ისრაელისა და საქართველოს ორმხრივი ურთიერთობები.
"ქართველებმა ვერ გაიგეს, რომ ამ სკანდალმა ისინი შესაძლოა, გარიყოს და რომ ისრაელი და საერთაშორისო თანამეგობრობა არ აპირებს ეს დაივიწყოს", - წერდა მაშინ ჟურნალისტი.
"ამასთან დაკავშირებით, თურქებმა რომლებიც კარგად ხვდებიან რაში მდგომარეობს საქართველოს ასეთი საქციელის მიზეზი, საქართველოს ელჩი ანკარაში სასწრაფოდ გამოიძახეს საგარეო საქმეთა სამინისტროში და მას ოფიციალური პროტესტი განუცხადეს.
იერუსალიმში ასეთი ჯერ არ მომხდარა. ვინმემ უნდა აუხსნას საქართველოს ელჩს, რომელიც აქ არის, თუ ყველაფერი ასე გაგრძელდება, მაშინ ის - "პერსონა ნონ გრატაა" და მისი ქვეყანა, თავისი ბიზნესმენებითა და ინტერესებით იქნებიან არასრასურველი სტუმრები აქ და ნებისმერი სხვა ადგილას (ირანის გარდა). ვინმემ უნდა აუხსნას ქართველებს, რომ მათ არ ესმით არსებული ვითარება. მოცემულ მომენტში, თქვენ მხოლოდ რუსული მაფიის ვარიანტი ხართ", - წერდა კასპიტი იანვარში.
ამასთან, პორტალის ცნობით, ქობალია ისრაელში არ ჩავა. "არსებობს განსაზღვრული მითითებები...საქართველოს მაღალი თანამდებობის პირების ისაერლში ნახვა არ სურთ", - განუცხადა "იზურს" სანდო წყარომ.
აღსანიშნავია, რომ ცოტა ხნის წინ გადაიდო პარლამენტის თავმჯდომარის დავით ბაქრაძის ვიზიტი ისრაელში . ებრაული წყაროების ცნობით, ბაქრაძის მასპინძლობაზე ისრაელმა სწორედ ფუქსისა და ფრენკელის გამო თქვა უარი.
