მოხარშეთ ღვიძლი. ხარშვისას წყალში ჩაუშვით წიწაკა, მარილი, დაფნის ფოთოლი, ხახვი, სულ ბოლოს მშრალი ღვინო. როცა მოიხარშება გადმოდგით. გადაღვარეთ წყალი და თუ ქაფის ნარჩენები ულამაზოდ ემჩნევა - გადააავლეთ ცივი წყალი, გაშალეთ გასაშრობად სამზარეულოს სამუშაო დაფაზე და მოაყარეთ მარილი.

სტაფილო გათალეთ და დაჭერით ღერებად, მოთუშეთ კარაქში (მიკროტალღურში 1-1.5 წუთი) და მოაყარეთ ქონდარი. დაჭერით პრასის თეთრი ნაწილი ალყა-ალყად; ბულგარული წიწაკა, ხახვი ასევე წვრილად. სალათის ფოთლებს, მწვანილს, პრასის მწვანე ფოთლებს მოასხით ღვინის ძმარი (მარილი, წიწაკა გემოვნებით).

თუ ცხარეს მოყვარული ხართ - ზეთი შედგით დაბალ ცეცხლზე და ჩაუშვით წინასწარ დანაყილი ნიორი ან ჯინჯერი (ჯანჯაფილი) მწარე წიწაკა, მარილი და აცალეთ 1-1.5 წუთი. გადმოდგით ცეცხილიდან. შეგიძლიათ ცალკე მიიტანოთ სუფრაზე ან იქვე თეფშზე მოასხათ ღვიძლს.

ინგრედიენტები:

საქონლის ან ფრინველის ღვიძლი - 500 გრ,

სტაფილო - 300 გრ, ან 3-4 საშუალო ზომის,

პრასი - 2 ცალი,

ხახვი - 1 თავი,

სალათის ფოთლები - სურვილისამებრ,

მარილი,

წიწაკა,

ქონდარი,

ღვინის ძმარი,

თეთრი მშრალი ღვინო - 70 მლ.ლ,

კარაქი - 50 გრ.

მისაყოლებლად რეკომენდირებული ღვინო: ხვანჭკარა.

perfectcook.org