საქართველოს თავდაცვისა და უსაფრთხოების კონფერენციის მესამე პანელი შავი ზღვის რეგიონის სტრატეგიულ მნიშვნელობაზე მსჯელობას დაეთმო.
კონფერენციის მონაწილეებმა ევრო-ატლანტიკური უსაფრთხოების უზრუნველყოფის საკითხში შავი ზღვის რეგიონის სტაბილურობის მნიშვნელობაზე ისაუბრეს. პანელის „შავი ზღვის რეგიონი: ევრო-ატლანტიკური უსაფრთხოების სტრატეგიული დასაყრდენი“ მოდერატორი თურქი ჟურნალისტი დიბა ნიგარ გიოქსელი იყო. დებატებში მონაწილეობდნენ „Heritage Foundation” –ის მკვლევარი არიელ კოენი, ცენტრალური აზიისა და კავკასიის ინსტიტუტის ხელმძღვანელი ფრედერიკ სტარი, რუმინეთის თავდაცვის მინისტრის მოადგილე ვალერიუ ნიკუტი და საქართველოს პარლამენტის ვიცე-სპიკერი გიორგი ბარამიძე.
