როგორც თქვენთვის ცნობილია, ტექნიკურად გაუმართავი ავტომობილის მოძრაობა ქუჩებსა და გზებზე დაკავშირებულია გარკვეულ რისკებთან,საშიშია ადამიანის სიცოცხლისათვის და საზოგადოების უსაფრთხოებისათვის. ბოლო პერიოდში საგრძნობლად იმატა იმ ავტოსაგზაო შემთხვევების რიცხვმა, სადაც მონაწილეობენ ასეთი, ტექნიკურად გაუმართავი ავტომობილები. აქედან გამომდინარე, საპატრულო პოლიცია თავისი კომპეტენციის ფარგლებში აქტიურად მუშაობს აღნიშნულ პრობლემატიკაზე.
