სოციალურ ქსელ Facebook-ზე პოპულარობით სარგებლობს რამდენიმე საათის წინ გამოქვეყნებული ფოტო, რომელშიც საქართველოს ექს-პრეზიდენტი მიხეილ სააკაშვილი ბედფორდში (ქალაქი აშშ-ში), სტუდენტებთან ერთად არის გადაღებული. ფოტო სწორედ ერთ-ერთმა სტუდენტმა გაასაჯაროვა.
ფოტო, სავარაუდოდ რამდენიმე საათის წინ არის გადაღებული, რაც იმის ვარაუდს აჩენს, რომ მიხეილ სააკაშვილი ამ დროისათვის უკრაინისა და მოლდოვის შემდეგ ამერიკის შეერთებულ შტატებს სტუმრობს. შეგახსენებთ, რომ მიხეილ სააკაშვილმა საქართველო პრეზიდენტობის მეორე ვადის ამოწურვამდე რამდენიმე დღით ადრე დატოვა; მის შემდეგ ექს-პრეზიდენტი საქართველოში არ დაბრუნებულა.
