კომპანია „საქკაბელის“ სამეთვალყურეო საბჭოს თავმჯდომარე, ედიშერ მამალაძე ამბობს, რომ უნდა მოხდეს ადგილობრივი ბაზრის უხარისხო იმპორტირებული პროდუქციისგან დაცვა. როგორც მან for.ge-პერს-კლუბში გამართულ პრესკონფერენციაზე განაცხადა, ინიციატივით მიმართა ეკონომიკის სამინისტროს - მარკირების შესახებ, თუმცა პასუხი ჯერჯერობით არ მიუღია. მან ასევე ისაუბრა ადგილობრივი წარმოების პრობლემებსა და შიდა ბაზრის დამცავ რეგულაციებზე.

„დღეს საქართველოში პროდუქციის წარმოებისთვის სახარბიელო მდგომარება არაა, მაგრამ ჩვენი მცდელობაა, რომ ამ მხრივ უკეთესად წავიდეს მდგომარეობა. შევეცდები შევეხო იმ პრობლემას, რაც არის დღეს საქართველოში და ასევე, არ გამოვტოვო ის პოზიტივი, რაც დავინახე. ჩვენი კომპანია „საქკაბელი“ არის საკაბელო პროდუქციის მწარმოებელი საქართველოში. ჩვენ აქტიურად დავიწყეთ საექსპორტო ოპერაციები და ვაწყდებოდით საკმაოდ სერიოზულ პრობლემებს იმპორტის დროს.

პროდუქციის ექსპორტის დროს პრობლემა შეგვექმნა თურქეთში, აზერბაიჯანშისა და სომხეთში, საკმაოდ რთული პროცესი გავიარეთ. როგორც კანონმორჩილი მეწარმე, ჩვეულებრივად მივმართეთ ხელისუფლების გარკვეულ წრეებს, ვისაც ხელეწიფებოდა, რომ მოეგვარებია ეს პრობლემა, მაგრამ საკმაოდ დიდი ხნის განმავლობაში, ვერ გვარდებოდა ეს პრობლემა. მას შემდეგ, რაც ამ საქმეში ჩავრთე ეკონომიკისა და ფინანსთა სამინისტრო, ძალიან მარტივი კომუნუკაციით მოგვარდა ეს პრობლემა“, - აცხადებს მამალაძე.

მისივე თქმით, მან ეკონიმიკსა და ფინანსთა სამინისტროსგან მიიღო დაპირება, რომ საზღვარგარეთ ექსპორტის კუთხით თუ რაიმე პრობლემა წარმოიქმნება, პრობლემა მოგვარდებოდა. „მაგრამ ეს არაა მთლიანად პრობლემის მოგვარების არსი, რომ თითქოსდა პროდუქციის წარმოებას ხელშწყობა აქვს საქართველოში. დღეს ქართული ბაზარი წალეკილი არის იმპორტირებული პროდუქციისაგან, რომელსაც არანაირი ხარისხობრივი პარამეტრები არ აქვს და, ხშირ შემთხვევაში, ხდება მოხმარებლის შეცდომაში შეყვანა, რაც იწვევს სავალალო შედგებს და ამ მხრივ, ალბათ, აუცილებელია ყურადღების გამახვილება. ევროპული ქვეყნები და არა მარტო - ჩვენი მეზობელი ქვეყნებიც ყველანაირად ცდილობენ, რომ წაახალისონ თავიანთი ადგილობრივი წარმოება და მოზღვავებული იმპორტისაგან დაიცვან თავიანთი ადგილობრივი ბაზარი.

მაგალითად, თურქეთში არის ასეთი კანონი, რომელიც პირდაპირ უკეთებს წახალისებას ადგილობრივ კომპანიებს. კარგი იქნება თუ ანალოგიურ დაცით ღონისძიებას შემოიტანს საქართველოს ხელისუფლება და ეკონომიური გუნდი. მე ვიცი, რომ ეკონომიკის სამინისტროს მიერ მზადდება კანონპროექტი „ვაჭრობაში დაცვითი ღონისძიებების შემოღების შესახებ“, რაც ასევე მისასალმებელია.

ძალიან ბევრი კანონია ჩვენთან მიღებული: თავისუფალი ვაჭრობის ხელშეწყობა; ერთი ფანჯრის პრინციპი და ა.შ. მაგრამ თქვენ ვერ მიჩვენებთ ვერც-ერთ დოკუმეტს, სადაც იქნება საუბარი ადგილობრივი წარმოების ხელშეწყობის კუთხით. კარგი იქნება თუ ამას სახელმწიფოსგან მიექცევა ყურადღება. როდესაც უცხოური კომპანიები შემოდიან ჩვენს ბაზარზე, თავიანთი მთავრობის ძალიან დიდი მხარდაჭერით სარგებლობენ“, - აცხადებს ედიშერ მამალაძე.

კომპანია „საქკაბელის“ სამეთვალყურეო საბჭოს თავმჯდომარემ, ჟურნალისტების კითხვებსაც უპასუხა.

თქვენ აღნიშნეთ, რომ პროდუქციის ექსპორტთან დაკავშირებით შეგექმნათ პრობლემა. რა პრობლემა შეგექმნათ და როდის?

- წელს შემექმნა ეს პრობლემა. სომხეთის საზღვარზე გააჩერეს ტვირთი და 23 დღე ვერ მოვახერხეთ განბაჟება. ძალიან ბევრი მიზეზის ძებნა დაიწყეს, მაგრამ, პრაქტიკულად, არანაირი მიზეზი არ იყო და ვერც ვერანაირი მიზეზი ვერ გვითხრეს, რატომ არ ხდებოდა პროდუქციის განბაჟება. პასუხიც, რომ არ გაგვცეს, მივმართე ეკონომიკის და ფინანსთა სამინისტროებს, რომლებმაც ძალიან ოპერატიულად გადაწყვიტეს ეს პრობლემები.

თუ კი ყველაფერი წესრიგში გქონდათ, მაშინ რატომ მოხდა ტვირთის გაჩერება, ვინმეს კერძო ინტერესი იყო?

- ჩვენ რომ შევედით სომხეთის ბაზარზე, გავხენით ჩვენი ბრენდული მაღაზია და ვითვისებდით იქაურ ბაზარს, შეიძლება ეს ვინმესთვის არ იყოს ხელსაყრელი. იქ ცოტა სხვაგვარი სიტუაციაა. შეიძლება ოფიციალურ სტრუქტურას წერილი მისწერო, მაგრამ პასუხი არასოდეს არ მოგივდეს. ანალოგიური პრობლემა შეგვექმნა თურქეთშიც. ყოველგვარი მიზეზის გარეშე ჩვენს კომპანიონს გადაახდევინეს ჯარიმა, რომელმაც უკვე არაკონკურენტული გახადა ჩვენი ტვირთი თურქეთში.

მე შემპირდნენ ეკონომიკის და ფინანსთა სამინისტროში და, როგორც მითხრეს, პრემიერ-მინისტრმა დაგვავალა, რომ ჩვენი წარმომადგენელი გვეყოლება ყველა ჩვენ მეზობელ ქვეყანაში, სადაც გააკონტროლებენ ჩვენი პროდუქციის ბრუნვას იმ ქვეყანაში. რაც დღეს უკვე მუშაობს, ამის შემდეგ მეორედაც და მესამედაც გავიტანე პროდუქცია, მაგრამ არავითარი პრობლემა არ მქონია.

ქართულ საზღვარზე გაქვთ პრობლემა?

- არა. ქართულ საზღვარზე არანაირი პრობლემა არ მექმნება. არც უცხოურ საზღვარზე მაქვს პრობლემა. პრობლემა არის მერე, როცა ტვირთი დგას საბაჟო ტერმინალში და არ გაძლევენ საშუალებას, რომ განაბაჟო. საკაბელო პროდუქცია მარტივია იმ კუთხით, რომ არ ფუჭდება, შენახვის ვადა გაცილებით დიდია, ვიდრე კვების პროდუქციის.

როდესაც გექმნებოდათ ხელოვნური პრობლემა, იგივე სასომხეთში ხომ არ ფიქრობთ, რომ დახუროთ თქვენი წარმომადგენლობა იმ ქვეყანაში?

- რატომ უნდა დავხურო, როცა სახელმწიფო გვეხმარება - პირიქით.

მაგრამ რა გარანტია გაქვთ, რომ იგივე პრობლემა არ შეგექმნებათ აზერბაიჯანში და თურქეთში?

- ზუსტად ამას ეხება ჩემი ბრიფინგი, ანალოგიურს რომ დავაპირებ აზერბაიჯანში და თურქეთში, იქაც არ შემექმანას პრობლემა. იმედია, რომ იქაც გამოსწორდება.

ხომ არ გიფიქრიათ, რომ ეს საკითხი იგივე ბიზნესგაერთიანების ეგიდით უფრო მაღალ დონეზე დაგეყენებინათ?

- ჩვენ ვართ რამდენიმე ბიზნესგაერთიანების წევრი, ვიყენებთ ამ ტრიბუნასაც და ვსვამთ კიდევაც ამ საკითხებს. თუმცა, არის რაღაცა გარკვეული პრობლემები, რასაც, ალბათ, აგვარებენ სახელმწიფი სტრუქტურები და არის რაღაცა საკითხები, რასაც ვერ აგვარებენ. ალბათ, ის ქვეყანა, როგორც გექცევა შენ, ისეთივე მიდგომა უნდა გქონდეს შენც მის მიმართ. არ მინდა ამან რაღაცა პოლიტიკური ელფერი მიიღოს, მაგრამ როგორი დამოკიდებულება აქვთ მეზობელ ქვეყნებს საკუთარი წარმოების მიმართ, ანალოგიური დამოკიდებულება რომ გვქონდეს ჩვენც, ჩვენი წარმოების მიმართ, მაშინ, უფრო უკეთესად იქნებოდა საქმე, ვიდრე დღეს არის. მეწარმეები უმცირესობაში ვართ.

5 კაცი საკმარისია იმისათვის, რომ შემოიტანო პროდუქცია, მაგრამ ის პროდუქცია რომ აწარმოო, 200 კაცი არ ეყოფა. რომელი უფრო მნიშვნელოვანია სახელმწოფოსთვის, პროდუქციის იმპორტზე მეტი ფიქრი და ზრუნვა, თუ ადგილობრივი წარმოება?! არაფერი იმპორტის საწინააღმდეგო არა მაქვს, თვითონ იმპორტიორი ვარ, მაგრამ ადგილობრივ პროდუქციას, ჩემი აზრით, ცოტა მეტი ყურადღება უნდა მიექცეს. ძირითადი სამუშაო ადგილების შემქმნელი და დამსაქმებელი, მაინც ადგილობრივი წარმოებაა.

თქვენ ამბობთ, რომ ხელშეწყობა არ არის სახელმწოფოსგან. კონკრეტულად რას იხოვთ სახელმწიფოსგან, რომ თავისუფლად აწარმოოთ იმპორტი?

- პირველ რიგში, ჩვენ უნდა დავიცვათ ადგილობრივი ბაზარი უხარისხო იმპორტირებული პროდუქციისგან. დღეს ძალიან ღიაა ჩვენი ბაზარი. ნებისმერი პროდუქცია რაც არ უნდა შემოიტანო და რაც არ უნდა დააწერო, თუ კონკრეტულად ვინმემ არ იჩივლა, რომ ამ პროდუქციამ დამაზიანაო, მანამდე მას ყურადღებას არავინ არ აქცევს. ჩვენ ინიციატივით მივმართეთ ეკონომიკის სამინისტროს მარკირების შესახებ და ველოდებით პასუხს, ეს არაა რთული. მთავარია, იმ პროდუქციის იდენტიფიცირება მოხდეს, რომელიც იყიდება, თუ ვინაა მწარმოებელი, როდისაა გაკეთებული და რომელი ქვეყნიდანაა შემოტანილი. ეს აუციელებია იმისათვის, რომ მომხმარებელმა მიიღოს სწორი ინფორმაცია. ამის მარტივი გზაა, რომ ჩავდგეთ მუშაობის თანაბარ რეჟიმში.