მექსიკაში, მიგრანტებით სავსე სატვირთო მანქანა გადატრიალდა, რის შედეგადაც, სულ მცირე, 54 ადამიანი დაიღუპა. ინფორმაციას ამის შესახებ BBC-ი ავრცელებს.
გავრცელებული ინფორმაციით, სატვირთო მანქანაში ცენტრალური ამერიკის ქვეყნებიდან 150-ზე მეტი მიგრანტი იმყოფებოდა.
ინციდენტის შედეგად, ათეულობით ადამიანი დაშავდა, მათ შორის ქალები და ბავშვები.
გავრცელებული ინფორმაციით, სატვირთო მანქანა დიდი სიჩქარით მოძრაობდა და მკვეთრ მოსახვევში შესვლისას ხიდს დაეჯახა, რის შედეგადაც გადატრიალდა.
