აშშ-ის დემოკრატიული პარტიის კანდიდატმა, ყოფილმა პოლიციელმა ერიკ ადამსმა ნიუ-იორკის მერის არჩევნებში გაიმარჯვა. ამის შესახებ NPR წერს.
ნიუ-იორკის მერი მეორედაა აფროამერიკელი. 61 წლის კანდიდატის საარჩევნო კამპანიის ძირითადი თემა იყო საზოგადოების უსაფრთხოება, ნიუ-იორკის პოლიციის ბიუჯეტის შემცირება და სამუშაო ადგილების სამოქალაქო პირებისთვის გადაცემა.
„ჩემი საარჩევნო კამპანია წარმატებული იყო. ჩვენ მოვიგეთ არჩევნები, ამისრულდა ოცნება და ნიუ-იორკის მერი გავხდები. ესაა ქალაქი, რომელიც ძალიან მიყვარს“, - დაწერა ადამსმა Twitter-ზე.
მისი კონკურენტი, რესპუბლიკური პარტიიდან კერტის სილვა იყო, ორგანიზაცია Guardian Angels-ის დამფუძნებელი. ეს ორგანიზაცია სამოქალაქო აქტივისტებისგან შედგება და კრიმინალურ ჯგუფებს ებრძვის.
