მექსიკის ხელისუფლების ინფორმაციით, გვატემალის საზღვართან გაჩერებულ სამ სატვირთო ტრაილერში 329 მიგრანტი აღმოაჩინეს, - ამის შესახებ Reuters-ი წერს.
ჩიაპასის შტატში, ტუსტლა-გუტიერესის მაგისტრალზე, მექსიკის მიგრაციის აგენტებისა და ეროვნული გვარდიის მიერ გაჩხრეკილ სატვირთოებში გვატემალელი და ჰონდურასელი მიგრანტები იპოვეს. მათ შორის 114 არასრულწლოვანია.
სრულწლოვნები დაკითხვაზე, არასრულწლოვნები კი მიგრანტთა თავშესაფარში გადაიყვანეს. არსებული ინფორმაციით, ისინი, მექსიკის გავლით, აშშ-ში ჩასვლას გეგმავდნენ.
