ბულგარეთში რუსეთის სასარგებლოდ ჯაშუშობაში ეჭვმიტანილი თავდაცვის სამინისტროს ექვსი თანამშრომელი დააკავეს. შესაბამისი განცხადება ბულგარეთის გენერალურ პროკურატურაში გაკეთდა.
გამოძიების ცნობით, ბულგარეთის სამხედრო დაზვერვის ყოფილმა მაღალჩინოსანმა გადაიბირა პირები, რომლებიც რუსეთს ბულგარეთის, ნატო-სა და ევროკავშირის შესახებ საიდუმლო ინფორმაციას აწვდიდნენ.
ბულგარეთის გენერალურ პროკურატურაში აღნიშნეს, რომ დანაშაულებრივი ჯგუფი ხანგრძლივი პერიოდის განმავლობაში მოქმედებდა და სერიოზულ საფრთხეს უქმნიდა ბულგარეთის, ნატო-სა და ევროკავშირის უსაფრთხოებას.
