თურქეთის პრეზიდენტის, რეჯეფ თაიფ ერდოღანის გადაწყვეტილებით, ქვეყანამ დატოვა ევროპის საბჭოს კონვენცია ქალების მიმართ ძალადობასა და ოჯახში ძალადობასთან ბრძოლის შესახებ, რომელიც ასევე სტამბოლის კონვენციის სახელით არის ცნობილი. ამის შესახებ სააგენტო Reuters-ი წერს.
„ქალთა უფლებების დაცვა გარანტირებულია ჩვენი შიდა კანონმდებლობითა და კონსტიტუციით. ჩვენი სასამართლო სისტემა საკმარისად დინამიკური და ძლიერია, რომ ყველა საჭირო რეგულაციის დანერგვა უზრუნველყოს“, - წერს Twitter-ზე თურქეთის ოჯახის, შრომისა და სოციალური პოლიტიკის მინისტრი ზეჰრა ზუმრუტი.
სტამბოლიის კონვენციის დატოვების მიზეზი ოფიციალურად თურქეთში ამ დრომდე არ დასახელებულა.
