„ჩვენ ყველასთან გვექნება ურთიერთობა და ყველაფერს შევძლებთ“ - განაცხადა კოალიცია ქართული ოცნების ლიდერმა, ბიძინა ივანიშვილმა დღეს საკათედრო ტაძრიდან გამოსვლის შემდეგ.
მისი თქმით, დღეს საკათედრო ტაძარში 26 მაისს გარდაცვლილთა ხსოვნის პატივსაცემად მივიდა.
„21-ე საუკუნეში ხალხს ისევ თავისუფლებისთვის ბრძოლა უწევს. მე აქ მოვედი იმისთვის, რომ პატივი მივაგო 26 მაისს გარდაცვლილთა ხსოვნას", - განაცახადა ივანიშვილმა.
გარდა ამისა, დღესვე ივანიშვილმა ჟურნალისტებს განუცხადა, რომ მათ ყველასთან ექნებათ ურთიერთობა, თუმცა ეს ყველასთან გაერთიანებას არ ნიშნავს.
„არცერთი ქართველი არ არის დასაკარგი, თუმცა ეს არ ნიშნავს, რომ ყველა უნდა გავერთიანდეთ“, - დასძინა ივანიშვილმა.
