ლათინური ამერიკის ქვეყნებში სააღდგომო კვირაში ქრისტეს ვნებების შესახებ დადგმული პანტომიმები, დიდი პოპულარობით სარგებლობს. სწორედ ერთ-ერთი ასეთი წარმოდგენის დროს, ბრაზილიელი მსახიობი ტიაგო კლიმეკი ქრისტეს აღდგომისადმი მიძღვნილ სპექტაკლში იუდას თვითმკვლელობას განასახიერებდა, როცა უბედური შემთხვევა მოხდა და მან შემთხვევით თავი ჩამოიხრჩო.
27 წლის მსახიობი სპექტაკლის დროს, თოკზე 4 წუთის მანძილზე იყო ჩამოკიდებული, მანამ, სანამ სხვა მსახიობები არ მიხვდნენ მომხდარს და არ ჩამოხსნეს. მსახიობი მალევე გადაიყვანეს საავადმყოფოში, თუმცა მან გონზე მოსვლაც ვერ მოასწრო და გარდაიცვალა.
