ერაყში ქურთებმა "ისლამური სახელმწიფოს" წინააღმდეგ მასშტაბური ოპერაცია დაიწყეს. როგორც "ბიბისი" იტყობინება, ქურთების შეარაღებული ჯგუფების მთავარი ამოცანა ქვეყნის ჩრდილოეთში მდებარე ქალაქ სინჯარის გათავისუფლებაა.
ქურთების მეთაურების ინფორმაციით, ოპერაციაში 7 500 მებრძოლი მონაწილეობს, რომლებსაც საერთაშორისო სამხედრო კოალიციის ავიაცია ეხმარება.
"ისლამურმა სახელმწიფომ" ქალაქ სინჯარზე კონტროლი 2014 წლის აგვისტოში დაამყარა. როგორც "ბიბისი" წერს, სტრატეგიულად მნიშვნელოვანი სინჯარის გათავისუფლება ქურთებმა რამდენიმეჯერ სცადეს, თუმცა უშედეგოდ.
