საუდის არაბეთის მეფე მუსლიმური პილიგრიმობის - ჰაჯის წესებს შეცვლის. როგორც ბიბისი იტყობინება, მეფე სალმანმა აღნიშნული გადაწყვეტილება გუშინ მომხდარი ტრაგედიის შემდეგ მიიღო.
ბოლო მონაცემებით, ქალაქ მექადან 5 კილომეტრში მდებარე მინას ხეობაში მომხდარი ჭყლეტის შედეგად 700-ზე მეტი ადამიანი დაიღუპა და 900-მდე დაშავდა.
როგორც ადგილობრივი მედია იტყობინება, მეფის განკარგულებით, ტრაგიკული ინციდენტის გამოსაძიებლად სპეციალური კომისია შეიქმნება.
