იუსტიციის მინისტრი თეა წულუკიანი თბილისის ყოფილი მერის, გიგი უგულავას საქმის გამო, მთავარი პროკურორის, გიორგი ბადაშვილის შეცვლას გამორიცხავს.
როგორც წულუკიანმა აღნიშნა, ამ საქმეზე პირველ რიგში კრიტიკას სასამართლო იმსახურებს, რომელმაც პროცესი 9 და მეტი თვის განმავლობაში ვერ დაასრულა.
„გიგი უგულავას საქმეზე, ვგულისხმობ სისხლის სამართლის საქმეს, თუ ვინმეს ცვლილებაა საჭირო, ეს კრიტიკა, ალბათ, პირველ რიგში სასამართლოს ეკუთვნის. სასამართლოს, რომელმაც 9 და მეტი თვის განმავლობაში ის ვერ მოახერხა, რომ სხდომა დაესრულებინა. სწრაფი მართლმსაჯულება მოსამართლის ხელშია. აქ ვერც პროკურორს დავადანაშაულებთ და ვერც ადვოკატს“, - აღნიშნა მინისტრმა.
