შერიგებისა და სამოქალაქო თანასწორობის საკითხებში საქართველოს სახელმწიფო მინისტრი პაატა ზაქარეიშვილი საქართველოში მცხოვრებ ებრაელებს "როშ ჰაშანას" დღესასწაულს ულოცავს.
"გულითადად გილოცავთ თქვენთვის ამ მეტად მნიშვნელოვან დღესასწაულს - ახალი წლის დადგომას. ეს წელი ყოფილიყოს თითოეული თქვენთაგანისთვის ყოველივე ახლისა და სიკეთის საწყისი, ბედნიერების და წარმატებების მომტანი. ძალიან მნიშვნელოვანია ის მრავალსაუკუნოვანი ურთიერთობა, რომელიც ჩვენს ორ ხალხს აკავშირებს და ჩვენთვის დიდი პატივია, მივულოცოთ ებრაელ ხალხს ეს დღესასწაული", - აღნიშნა პაატა ზაქარეიშვილმა.
წელს "როშ ჰაშანას" დღესასწაული 14 სექტემბერს აღინიშნება. ამ დღეს ებრაელი ხალხი ახალი წლის დაწყებას აღნიშნავს.
