შვეიცარიის მხარეს რუსეთის ფედერაციისთვის გადასაცემად საპროტესტო ნოტა მიეწოდა. როგორც "ინტერპრესნიუსს" საგარეო საქმეთა სამინისტროდან აცნობეს, 2015 წლის 10 აგვისტოს შვეიცარიის მხარეს რუსეთის ფედერაციისთვის გადასაცემად მიეწოდა საპროტესტო ნოტა 6 აგვისტოს, რუსეთის საოკუპაციო ძალის მიერ გორის რაიონის სოფელ წითელუბნის მიმდებარე ტერიტორიაზე, ე.წ. "საზღვრის" აღმნიშვნელი ბანერის ხელახლა უკანონოდ აღმართვასთან დაკავშირებით.
აგრეთვე შვეიცარიას მიეწოდა ყოველთვიური, ივლისის თვის კრებსითი-საპროტესტო ნოტა საქართველოს ოკუპირებულ ტერიტორიებზე განხორციელებული სხვადასხვა სახის დარღვევების თაობაზე.
