თურქეთის ქალაქ სტამბოლში, ღამით პოლიციის შენობასთან განხორციელებული თავდასხმის ორი მონაწილე დღეს პოლიციასთან ორმხრივი სროლის დროს დაიღუპა. ამის შესახებ "ევრონიუსი" ადგილობრივ მედიაზე დაყრდნობით იტყობინება.
თურქული მედიის ცნობით, ერთ-ერთი ეჭვმიტანილი დაკავებულია. იგი ქალია, თუმცა, მის ვინაობას არ ასახელებენ.
სტამბოლის პოლიციის შენობასთან მომხდარ თავდასხმის შედეგად ათი ადამიანი დაშავდა, დაღუპულებზე ჯერ არ საუბრობენ. მოგვიანებით უცნობმა პირებმა ცეცხლი გახსნეს აშშ-ის საკონსულოსთან. მსგავსი ინციდენტები თურქეთში მას შემდეგ გახშირდა, რაც თურქეთის მთავრობასა და ქურთ ამბოხებულებს შორის ვითარება დაიძაბა. თურქეთის არმიამ "ქურთების მუშათა პარტიის" მებრძოლებზე ბოლო რამდენიმე კვირის განმავლობაში არაერთხელ მიიტანა იერიში
