ეუთო-ს სპეციალური სადამკვირვებლო მისიის კუთვნილი ოთხი ჯავშნიანი ავტომობილი დაიწვა დონეცკში გასულ ღამით.
ამის შესახებ მისია სოციალურ ქსელ „ტვიტერზე“ იტყობინება.
„ამ ღამეს დონეცკში სპეციალური სადამკვირვებლო მისიის ოფისთან ახლოს, ეუთო-ს 4 ჯავშნიანი ავტომობილი განადგურდა, სავარაუდოდ, ცეცხლის წაკიდების შედეგად. მისია გმობს ამგვარ ქმედებებს. დეტალები მოგვიანებით გახდება ცნობილი“, - ნათქვამია მისიის განცხადებაში.
ე.წ. დონეცკის სახალხო რესპუბლიკის საგანგებო სიტუაციების სამინისტროს წარმომადგენელმა კი, „რია ნოვოსტისთან“ განაცხადა, რომ გასულ ღამეს დონეცკში ეუთო-ს მისიის 6 ავტომობილი დაიწვა, მათგან სამი სრულად განადგურდა.
![საქართველოს პრეზიდენტი მიხეილ ყაველაშვილი [პირველ რიგში] მსოფლიოს ლიდერებთან ერთად რომის პაპის დაკრძალვას ესწრება (ვიდეო)](https://for.ge/uploads/images/thumbs/1745658091_300052.jpg)
