ზუგდიდში, ერთ-ერთ რესტორანში მომხდარი დაპირისპირების შედეგად ოთხი ადამიანი დაჭრეს. არსებული ინფორმაციით, ჯერ სიტყვიერი, შემდეგ კი ფიზიკური დაპირისპირება რესტორნის სტუმრებს შორის მოხდა. მიზეზი უცნობია.
დაჭრილებს დაზიანებები ცივი იარაღით აქვთ მიყენებული. ერთ-ერთი ვერსიით, მათ ერთმანეთი დაჭრეს. ოთხივე მათგანი სასწრაფო დახმარების ჯგუფებმა ჰოსპიტალში გადაიყვანეს და ზუგდიდის რეფერალურ საავადმყოფოში გადაუდებელი ოპერაციები ჩაუტარდათ.
ინფორმაციას ტელეკომპანია "რუსთავი 2" ავრცელებს.