პრეზიდენტის მრჩევლის ეკონომიკურ საკითხებში გიორგი აბაშიშვილის განცხადებით, ეროვნული ბანკის შესახებ კანონპროექტთან დაკავშირებული პრეზიდენტის შენიშვნები, უმთავრეს პრინციპებს გულისხმობს.

როგორც აბაშიშვილმა ჟურნალისტებს განუცხადა, შენიშვნები გულისხმობს ეროვნული ბანკის კიდევ უფრო გაძლიერებას, საბანკო ზედამხედველობის ეროვნული ბანკის შემადგენლობაში დარჩენას და საზედამხედველო პოლიტიკის ეფექტიან ზრდას.

მისივე განმარტებით, პარლამენტის მიერ წარმოდგენილ კანონპროექტში ნათლად ჩანს, რომ ყალიბდება დამოუკიდებელი სტრუქტურა, რომელიც თავისი შინაარსით, არ ექვემდებარება არცერთ სხვა დააწესებულებას.

„არსებული კანონპროექტით, ეროვნული ბანკის საბჭოს წევრების დაცულობა ძალიან მაღალია, თუმცა ჩვენი კანონპროექტის თანახმად, როგორც გათავისუფლების საკითხები, ისე პასუხისმგებლობისა და პოლიტიკური გავლენისგან დაცულობის საკითხები კიდევ უფრო ძლიერდება“, - განაცხადა გიორგი აბაშიშვილმა.