ენერგეტიკის მინისტრ კახა კალაძის განცხადებით, თუ მარეგულირებელი კომისია ტარიფის გაზრდის გადაწყვეტილებას თბილისშიც მიიღებს, სუბსიდირების იგივე პროგრამა განხორციელდება, რაც რეგიონებში განხორციელდება.
კალაძის თქმით, წლის ბოლომდე სუბსიდირებისთვის დაახლოებით 6 მილიონ ლარამდეა გამოყოფილი.
„იმ შემთხვევაში, თუ მარეგულირებელი კომისია მიიღებს გადაწყვეტილებას ტარიფის კორექტირებასთან დაკავშირებით თბილისშიც, ანალოგიურად, სუბსიდირების პროგრამა სოციალურად დაუცველი მოსახლეობისთვის თბილისშიც მოხდება“, - აღნიშნა კალაძემ.
