თბილისში ევროპის ოლიმპიური კომიტეტების პრეზიდენტი პატრიკ ჰიკი ჩამოვიდა. როგორც "ინტერპრესნიუსს" ევროპის ახალგაზრდული ოლიმპიური ფესტივალის "თბილისი 2015"-ის საორგანიზაციო კომიტეტიდან აცნობეს, ოფიციალური ვიზიტის ფარგლებში, პატრიკ ჰიკი "თბილისი 2015"-ის საორგანიზაციო კომიტეტის თავმჯდომარესთან ალექსი ახვლედიანთან ერთად, სპეციალურად ევროპის ახალგაზრდული ოლიმპიური ფესტივალისთვის აშენებულ და განახლებულ ინფრასტრუქტურას დაათვალიერებს.
მათივე ინფორმაციით, ობიექტების დათვალიერება 13:00 საათიდან ოლიმპიური სოფლით დაიწყება, შემდეგ კი პატრიკ ჰიკი სპორტულ არენებზე გადაინაცვლებს. ევროპის ოლიმპიური კომიტეტების პრეზიდენტი ეწვევა სპორტულ კომპლექს "ახალ თბილისს" და ასევე, სპორტის ახალ სასახლეს.
