თურქეთის ქალაქ დიარბაქირში, რომელიც ქვეყნის სამხრეთ-აღმოსავლეთით მდებარეობს, თავდასხმის შედეგად ერთი პოლიციელი დაიღუპა, ორი კი მძიმედ დაიჭრა. ამის შესახებ "CNN Turk" იუწყება.
ტელეკომპანიის ინფორმაციით, პოლიციის პატრულს ცეცხლი უცნობმა პირმა გაუხსნა. პოლიციის დაჭრილი თანამშრომლები საავადმყოფოში გადაიყვანეს.
ამავე ქალაქში ორი პოლიციელი 22 ივლისსაც მოკლეს, რაზეც პასუხისმგებლობა ქურთისტანის მუშათა პარტიამ აიღო.
