ენერგეტიკისა და წყალმომარაგების მარეგულირებელმა ეროვნულმა კომისიამ მიიღო გადაწყვეტილება, რომ სამომხმარებლო ტარიფი 3.348 თეთრით გაიზრდება, დღგ-ს გარეშე.
როგორც სემეკის თავმჯდომარემ ირინა მილორავამ განაცხადა, ახალი სამომხმარებლო ტარიფი 101 კილოვატის ჩათვლით არის 10.968 თეთრი, 101-301 კილოვატის ჩათვლით 14.348 თეთრი და 301 კილოვატს ზემოთ 18.178 თეთრი. აღნიშნული ტარიფები არის დღგ-ს გათვალისწინების გარეშე.
კომისიის მიერ მიღებული გადაწყვეტილება 1 აგვისტოდან ამოქმედდება. კომისიამ ახალი ტარიფი 5 თვის ვადით, დეკემბრის ჩათვლით დაადგინა.
