ჩრდილოატლანტიკური ალიანსი და მისი მოკავშირეები 2002 წლის შემდეგ, პირველად ყველაზე მასშტაბურ სამხედრო სწავლებებს ჩაატარებენ. ინფორმაციას "როიტერი" ავრცელებს.
"ჩვენ ვერ გავაკეთებთ არჩევანს აღმოსავლეთ და სამხრეთ საფრთხეებს შორის. ჩვენ ორივესთვის უნდა მოვემზადოთ", - აღნიშნა ნატო-ს გენერალმა ჰანს-ლოთარ დომროსმა.
"როიტერის" ცნობით, ნატო-ს საშემოდგომო სწავლებებში 30-ზე მეტი ქვეყნის 36 ათასი სამხედრო, მეზღვაური და მფრინავი მიიღებს მონაწილეობას. წვრთნებში მონაწილეობას მიიღებენ ნატო-ს არაწევრი ქვეყნები, როგორებიცაა შვედეთი და ავსტრია.
ჩრდილოატლანტიკური ალიანსის წარმომადგენელთა განცხადებით, ბოლო 13 წლის განმავლობაში ეს ყველაზე მასშტაბური სწავლებები იქნება.
სწავლებები, სახელწოდებით, თრიდენტ ჟუნცტურე მიმდინარე წლის ოქტომბერ-ნოემბერში გაიმართება იტალიაში, ესპანეთსა და პორტუგალიაში.
