საფრანგეთის პრეზიდენტი ფრანსუა ოლანდი საბერძნეთის მიერ ევროზონის დროებით დატოვებას გამორიცხავს. "არავითარი საბერძნეთის დროებით ევროზონიდან გამოსვლა. ან გადის, ან არა", - განაცხადა ოლანდმა.
მისივე თქმით, დღევანდელი სამიტი გადამწყვეტი იქნება არა მხოლოდ საბერძნეთისთვის, არამედ მთლიანად ევროპისთვის. ოლანდის განცხადებით, ფრანგული მხარე ყველაფერს გააკეთებს ამ პრობლემის გადასაჭრელად.
ამასთან, საბერძნეთის პრემიერ-მინისტრმა ალექსის ციპრასმა განაცხადა, რომ კრედიტორებთან შეთანხმების მიღწევა დღესვე გახდება შესაძლებელი.
"მზად ვარ კომპრომისისთვის. ჩვენ შეგვიძლია მივაღწიოთ შეთანხმებას უკვე დღესვე, თუკი ყველა მხარეს ექნება ამის სურვილი", - განაცხადა ციპრასმა.
