ვაკის პარკში, უეფას სუპერთასის ბილეთების რიგში მყოფი კიდევ ორი მამაკაცის ჰოსპიტალიზება გახდა საჭირო. როგორც "ინტერპრესნიუსს" სასწრაფო დახმარების სამსახურში განუცხადეს , ორი მამაკაცი ექიმებს ღუდუშაურის კლინიკაში გადაჰყავთ.
მანამდე, კრუნჩხვის დიაგნოზით, კიდევ ერთი ერთი მამაკაცის საავადმყოფოში გადაყვანა გახდა საჭირო.
ვაკის პარკთან, დღის განმავლობაში მობილიზებულია სასწრაფო დახმარების 5 ბრიგადა.
სასწრაფოს ექიმებს მოუწიათ რამდენიმე მოქალაქისთვის ადგილზე დახმარების გაწევა.
სასწრაფო-სამედიცინო დახმარების ბრიგადები ადგილზე რჩებიან და საჭიროებისამებრ, ბილეთების რიგში მდგომებს დახმარებას აღმოუჩენენ.