უსაფრთხოების ნორმების უზრუნველყოფის მიზნით, ვაკის პარკსა და მიმდებარე ტერიტორიაზე პატრულის თანამშრომლები და კრიმინალური პოლიციაა მობილიზებული.
როგორც "ინტერპრესნიუსს" შინაგან საქმეთა სამინისტროში განუცხადეს, საღამოს, 18:00 საათიდან ადგილზე ჯებირების მოწყობაც დაიწყება.
"ამჟამად როგორც ვაკის პარკში, ისე პარკის მიმდებარე ტერიტორიაზე მობილიზებულია საპატრულო პოლიციის ეკიპაჟები და კრიმინალური პოლიცია. უკვე 18:00 საათიდან დაიწყება ჯებირების მოწყობა და გეგმის მიხედვით მიმართულებების მოწყობა", - განმარტეს შსს-ში.
როგორც ცნობილია, ბარსელონა-სევილიას მატჩზე დასწრების მსურველთა რიცხვი ვაკის პარკში ყოველ წუთს იზრდება. სპეციალურად შედგენილ სიაში უკვე 1500-ზე მეტი ფეხბურთის გულშემატკივარია ჩაწერილი. მათ იმედი აქვთ, რომ ამგვარად ისინი ხვალ ბილეთების შეძენას შეძლებენ.
შექმნილია ჯგუფები და თითოეული ასეთი ჯგუფი 50 პირს აერთიანებს. ჯგუფებს ჰყავს თავიანთი ხელმძღვანელი.
