სამი  ქართული საფეხბურთო კლუბი ევროპის ლიგის საკვალიფიკაციო ეტაპს პირველივე ტურიდან გამოეთიშა. "ცხინვალი" შინ რუმინულ "ბოტოშანთან" 1:3 დამარცხდა (ორი მატჩის ჯამში 1:4), თბილისის "დინამომ" სტუმრად აზერბაიჯანულ "გაბალასთან" 2:0 წააგო (2:3), ხოლო ბათუმის "დინამო" ასევე სტუმრად კვიპროსულ "ომონიასთან" 2:0 დამარცხდა (1:2).

"ცხინვალმა" მატჩი მიხეილ მესხის სახელობის ეროვნულ სტადიონზე გამართა, რუმინელებიდან 2 გოლი დან რომანმა გაიტანა, 1 კი – რაულ კოსტინმა, "ცხინვალიდან" კი ერთადერთი გოლის ავტორი 11-მეტრიანის ზუსტად გამოყენების შემდეგ ვარლამ კილასონია გახდა.

ერთადერთი ქართული გუნდი, რომელიც ევროპულ საკლუბო ტურნირებზე განაგრძობს ასპარეზობას, გორის "დილაა". ჩემპიონთა ლიგის მეორე საკვალიფიკაციო ეტაპზე "დილა" ბელგრადის "პარტიზანს" დაუპირისპირდება.