უკვე მეხუთე დღეა კავკასიის უნივერსიტეტის სტუდენტები, რომლებსაც სხვა უნივერსიტეტის სტუდენტებიც შეურთდნენ, მეტროსადგურ ვაგზალის მოედანზე სტიქიით დაზარალებულებისთვის დახმარებას აგროვებენ.
როგორც ერთ-ერთმა სტუდენტმა, ირაკლი მჭედლიშვილმა "პირWელს" განუცხადა, სტუდენტებს სკოლის მოსწავლეებიც შეურთდნენ და სტიქიით დაზარალებულებისთვის საზოგადოებას დახმარებას მეტროში თხოვენ.
"ამ დროისთვის 12 ათასზე მეტი ლარი გვაქვს შეგროვებული. პირველ დღეს 2 ათასზე მეტი ლარის შეგროვება მოვახერხეთ. მეხუთე დღეა დახმარებას ვაგროვებთ და იმედი გვაქვს, უფრო მეტ თანხას შევაგროვებთ სტიქიით დაზარალებულთა დასახმარებლად", - აღნიშნა მჭედლიშვილმა.