საქართველოს პრეზიდენტმა და სამხედრო ძალების უმაღლეს მთავარსარდლმა სტიქიის სალიკვიდაციო სამუშაოებში შეიარაღებული ძალების გენერალური შტაბის ეროვნული გვარდიის ჩართვის თაობაზე ბრძანება გამოსცა.
"ქ. თბილისში 2015 წლის 13-14 ივნისს სტიქიური უბედურებით გამოწვეულ საგანგებო სიტუაციაზე რეაგირების მიზნით, "სამოქალაქო უსაფრთხოების შესახებ" საქართველოს კანონის მე-15 მუხლის მე-13 პუნქტის თანახმად, გამოყენებულ იქნეს საქართველოს სამხედრო ძალების ქვედანაყოფი - საქართველოს შეიარაღებული ძალების გენერალური შტაბის ეროვნული გვარდია", - ნათქვამია პრეზიდენტის N 3 ბრძანებაში.
სამხედრო ძალების უმაღლესი მთავარსარდლის ამავე ბრძანების მიხედვით, აღნიშნული ბრძანება ძალაშია ხელმოწერისთანავე.
