კოალიცია "ქართული ოცნების" ოფისში საპარლამენტო უმრავლესობის სხდომა მიმდინარეობს. წინასწარი ინფორმაციით, მმართველი გუნდი შიდაპარტიულ ორგანიზაციულ თემებზე მსჯელობს.
როგორც შეხვედრის დაწყებამდე საპარლამენტო უმრავლეობის წევრმა გია ვოლსკიმ განაცხადა, საუბარი მცხეთა-მთიანეთის პარტიული ორგანიზაციების საკითხებთან დაკავშირებით გაიმართება.
"მცხეთა-მთიანეთის პარტიული ორგანიზაციების საკითხებთან დაკავშირებით, მინდა ჩემს კოლეგებთან გარკვეული კონსულტაციების გავლა. აქ არიან მცხეთა-მთიანეთის დეპუტატები. როგორ მუშაობს პარტიული ორგანიზაცია, შემდგომი პერსპექტივები, რა არის საჭირო იმისთვის, რომ გაძლიერდეს. წინაასაარჩევნო მზადებები უნდა დაიწყოს მალე და აქედან გამომდინარე, საინტერესო თემაა", - განაცხადა გია ვოლსკიმ.