საპარლამენტო უმრავლესობის ლიდერის, დავით საგანელიძის განცხადებით, არსებობს შესაძლებლობა, რომ პარლამენტმა მინისტრები ამ კვირაში დაამტკიცოს.
როგორც საგანელიძემ ჟურნალისტებთან საუბრისას აღნიშნა, ამ საკითხის დროში გაჭიანურება არ უნდა მოხდეს.
"პრემიერ-მინისტრმა თქვა, რომ ორი მინისტრის ცვლილებით შემოიფარგლება. ჩვენ მათ მხარს დავუჭერთ. იმ შემთხვევაში, თუკი პრემიერი დღეს დაასახელებს მინისტრობის კანდიდატებს და პრეზიდენტს გადაუგზავნის, ხვალ ჩვენ საკომიტეტო განხილვას გავმართავთ. შაბათ-კვირას კი არსებობს შესაძლებლობა, სხდომა გაიმართოს და დავამტკიცოთ უკვე წარმოდგენილი კანდიდატები", - განაცხადა დავით საგანელიძემ.
