მცხეთის ქუჩაზე დაჭრილი ახალგაზრდა მამაკაცი დეპუტატ თენგიზ ხუბულურის შვილია.
შემთხვევა მცხეთის ქუჩაზე გუშინ საღამოს მოხდა. თვითმხილველების ინფორმაციით, დაახლოებით შვიდი გასროლა ავტომობილის მიმართულებით განხორციელდა.
მომხდარზე გამოძიება 118-ე მუხლის პირველი ნაწილით მიმდინარეობს, რაც ჯანმრთელობის ნაკლებად მძიმე დაზიანებას გულისხმობს. დაჭრილ თემურ ხუბულურს გადაუდებელი ოპერაცია ჩაუტარდა. არსებული ინფორმაციით, დაჭრილი წარსულში რამდენჯერმე ნასამართლევია.
