საპარლამენტო უმრავლესობის წევრ გიორგი ვოლსკის მიაჩნია, რომ ჭუბურხინჯის შეხვედრები უნდა აღდგეს. როგორც ვოლსკიმ ჟურნალისტებს განუცხადა, ამ საკითხთან დაკავშირებით კითხვის ნიშნები საერთოდ არ უნდა იყოს .
"მე საერთოდ მიკვირს, რომ კითხვის ნიშნის ქვეშ დგება საკითხი - საჭიროა თუ არა ჭუბურხინჯის შეხვედრების ფორმატის აღდგენა. ჭუბურხინჯის ფორმატი არის ჟენევის მოლაპარაკებების ერთ-ერთი მიღწევა და აქედან გამომდინარე კითხვის ნიშნები არ უნდა იყოს", - განაცხადა ვოლსკიმ.
მისივე თქმით, მოლაპარაკებების ნებისმიერი ფორმატი არის საჭირო და აუცილებელი.
