საქართველო მსოფლიოს ერთ-ერთ ყველაზე რელიგიურ ქვეყნებს შორის მოხვდა. "ტელეგრაფი" WIN/Gallup International-ის კვლევას აქვეყნებს, რომლის თანახმადაც ყველაზე რელიგიური ქვეყანა ტაილანდია, სადაც გამოკითხულთა 94% აცხადებს, რომ მორწმუნეა. ტაილანდის შემდეგ ყველაზე მაღალი მაჩვენებელი – 93% - სომხეთს, ბანგლადეშს, საქართველოსა და მაროკოს აქვთ.
კვლევის თანახმად, ყველაზე ნაკლებ რელიგიური ქვეყანა ჩინეთია, სადაც გამოკითხულთა მხოლოდ 7% მიიჩნევს თავს რელიგიურ პიროვნებად.
კვლევა 65 ქვეყანაში ჩატარდა და სულ 64 000-მდე ადამიანი გამოიკითხა.
