სამეგრელო-ზემო სვანეთის გუბერნატორის, ლევან შონიას განცხადებით, მუნიციპალიტეტების ხელმძღვანელების და პრემიერ-მინისტრის შეხვედრა საინტერესო , საჭირო და დროული იყო. ამის შესახებ ლევან შონიამ ჟურნალისტებს შეხვედრის დასრულების შემდეგ განუცხადა.
"რაღაც ხარვეზები ჩვენს რეგიონშიც იყო, მაგრამ ნიშვნელოვანი არა და გამოსწორებადია. ჩვენ გეგმის მიხედვით მივდივართ და ყველა სამუშაო შესრულებულია.
რაც შეეხება პრემიერის შენიშვნებს ინფრასტრუქტურულ პროექტებზე, სწორი შენიშვნები იყო და სამომავლოდ ეს აღარ იქნება დაშვებული. პრემიერმა მიუთითა პირდაპირ პროექტების დროულად შესრულებაზე. მთავარი აქცენტი იყო კონტროლზე, რომ თითოეული მუნიციპალიტეტის მერი, გუბერნატორი თუ გამგებელი უფრო ხშირად გავიდეს მოსახლეობაში და პროექტები გააკონტროლოს. პრემიერმა მუნიციპილიტეტების ხელმძღვანელებს სთხოვა, ნაკლებად ისხდნენ კაბინეტებში და უფრო ხშირად მოსახლეობაში გავიდნენ", - განაცხადა შონიამ.
მისივე თქმით, სამეგრელო-ზემო სვანეთში 2 წლის განმავლობაში(2013-2014წლები) 956 პროექტია განხორციელებული და 397 მილიონი ლარია შემოსული.
რაც შეეხება ხარჯების შემცირებას, შონიამ აღნიშნა, რომ სავარაუდოდ შემცირდება ხარჯების და ტელეფონზე საუბრის ხარჯები. "ჩვენ ისედაც მცირე ბიუჯეტი გვაქვს. ვნახავთ, სად შეიძლება შევამციროთ. ალბათ უფრო საწვავის და სატელეფონო ხარჯები შემცირდება, ავეჯის შეძენაზე ალბათ მთლიანად უარს ვიტყვით", - აღნიშნა შონიამ.
