რიგაში, ევროკავშირის საგარეო საქმეთა მინისტრების დღევანდელ შეხვედრაზე რუსეთთან მიმართებაში მომავალი სანქციების შესახებ აზრი სამად გაიყო. ამის შესახებ "ლიგა.ნეტ" იუწყება.
დიდმა ბრიტანეთმა, პოლონეთმა და ბალტიის ქვეყნებმა დაჟინებით მოითხოვეს მოსკოვზე ზეწოლის გაძლიერება. სხვა სახელმწიფოებმა, მათ შორის ავსტრიამ, იტალიამ და კვიპროსმა სკეპტიკური დამოკიდებულება გამოხატეს, გერმანიამ კი ამ საკითხში შუალედური პოზიცია დაიკავა.
გერმანიის საგარეო საქმეთა მინისტრის ფრანკ-ვალტერ შტაინმაიერის განცხადებით, ევროპული სანქციების მომავალი მთლიანად უნდა შეესაბამებოდეს მინსკის შეთანხმებების პროცესს. მისივე თქმით, ჯერ საკმაოდ ადრეა ანტირუსული სანქციების გაძლიერება, ან გაგრძელება.
დღევანდელ შეკრებაზე ლიტვის საგარეო საქმეთა მინისტრმა ლინას ლინკევიჩიუსმა მოითხოვა, მარტიდან 2015 წლის ბოლომდე რუსეთისთვის სანქციების გაგრძელება.
იმისათვის, რომ რუსეთს სანქციები გაუგრძელდეს, საჭიროა ევროკავშირის ყველა - 28 ქვეყნის თანხმობა.
