მინსკში "ნორმანდიულ ოთხეულს" შორის მოლაპარაკებები უკვე 12 საათზე მეტია, მიმდინარეობს. უკრაინის, რუსეთის, გერმანიისა და საფრანგეთის პრეზიდენტები უკრაინის კონფლიქტის აღმოფხვრის გზებზე მსჯელობენ.
"ბიბისის" ცნობით, შეხვედრა გუშინ საღამოს თბილისის დროით დაახლოებით 21:15 წუთზე დაიწყო. რამდენიმე საათის შემდეგ, ლიდერები მედიის წინ გამოჩნდნენ და ტრადიციული ფოტოები გადაიღეს, თუმცა, კომენტარები არ გაუკეთებიათ.
"მოლაპარაკებები რთულად მიმდინარეობს, თუმცა იმედი გვაქვს, რომ წარმატებით დასრულდება", - განაცხადა უკრაინის საგარეო საქმეთა სამინისტროს წარმომადგენელმა, ევგენი პერებიინისმა.
შეხვედრას რუსეთის პირველი დიპლომატი, სერგეი ლავროვიც ესწრება, მან ჟურნალისტებთან მოლაპარაკებები მხოლოდ ერთი სიტყვით შეაფასა. მისი თქმით, შეხვედრა "მშვენივრად მიმდინარეობს".
