დაუდასტურებელი ინფორმაციით, დონეცკთან ახლოს, ბრძოლების შედეგად ერთი ქართველი მებრძოლი დაიღუპა და სამი დაიჭრა. ინფორმაციას ამის შესახებ ტელეკომპანია "რუსთავი 2" ავრცელებს.
გავრცელებული ინფორმაციით, ქართველები ერთ-ერთ ბატალიონში მსახურობდნენ, რომელიც დონეცკის აეროპორტის მიმდებარე ტერიტორიაზე იყო დისლოცირებული.
დაჭრილები საავადმყოფოში გადაიყვანეს და მათი მდგომარეობა კრიტიკული არ არის.
