გერმანიის ვიცე-კანცლერის ზიგმარ გაბრიელის აზრით, რუსეთის დასუსტება მთელი მსოფლიოსთვის სახიფათოა.
როგორც გაბრიელმა Bild am Sonntag-თან ინტერვიუში განაცხადა, დასავლეთისთვის უმჯობესია ითანამშრომლოს რუსეთთან, ვიდრე მასში მტერი დაინახოს.
"ვისაც სურს რუსეთის დასუსტება ეკონომიკურად და პოლიტიკურად, მთელი ევროპისთვის გაცილებით უფრო საშიში სიტუაციის პროვოცირებას ახდენს", - აღნიშნა ზიგმარ გაბრიელმა.
უფრო ადრე გერმანიის ვიცე-კანცლერმა განაცხადა, რომ დასავლეთი რუსეთის მუხლებზე დაჩოქებას არ ისახავს მიზნად და რუსეთის წინააღმდეგ სანქციების გაძლიერებას შეცდომა უწოდა.
