საქართველოს საგარეო უწყების ინფორმაციით, იტალიურ ხომალდ "სან ჯორჯოზე", სადაც ბორან "ნორმან ატლანტიკიდან" ევაკუირებული მგზავრები იმყოფებიან, საქართველოს მოქალაქეებიც არიან.
უწყებისათვის ჯერ ცნობილი არ არის, თუ რამდენია მათ შორის საქართველოს მოქალაქე. როგორც "ინტერპრესნიუსს" საგარეო საქმეთა სამინისტროში განუცხადეს, სამაშველო ოპორაციის დასრულება შტორმის გამო ვერ ხერხდება.
ბოლო მონაცემებით კი, ცეცხლმოკიდებულ ბორან "ნორმან ატლანტიკზე" მყოფი საქართველოს რვა მოქალაქიდან ხუთი უსაფრთხო ადგილას – ბარშია გადაყვანილი და ისინი მუდმივი ზედამხედველობის ქვეშ იმყოფებიან.
სამინისტროს ცნობით, საქართველოს საელჩო მუდმივ კონტაქტეზეა იტალიურ მხარესთან.
