უკრაინის თავდაცვის სამინისტროს მონაცემებით, აღმოსავლეთ უკრაინაში ანტიტერორისტული ოპერაციის მსვლელობისას 917 უკრაინელი სამხედრო დაიღუპა.
უკრაინის თავდაცვის სამინისტროს პრესმდივნის ვიქტორ კუშნირის განცხადებით, ანტიტერორისტული ოპერაციის პერიოდში უკრაინის შეიარაღებული ძალების 3 318 სამხედრო დაიჭრა.
უკრაინული მედიის ცნობით, ქვეყნის პრეზიდენტ პეტრო პოროშენკოს ინიციატივით, ანტიტერორისტული ოპერაციის ზონაში 9 დეკემბრიდან დუმილის რეჟიმი მოქმედებს, თუმცა ამის მიუხედავად ბრძოლები არ შეწყვეტილა.
ანტიტერორისტული ოპერაცია უკრაინაში მიმდინარე წლის აპრილში დაიწყო.
