სავალუტო ჯიხურებში დოლარის დეფიციტია. "ინტერპრესნიუსის" ჟურნალისტი ათამდე ჯიხურში იმყოფებოდა და გასაყიდი დოლარი მხოლოდ სამ ჯიხურში ჰქონდათ. მათგან ერთში მხოლოდ ასი დოლარი იყო დარჩენილი, დანარჩენ ჯიხურებში კი გასაყიდი დოლარი საერთოდ არ ჰქონდათ.
ლარი დოლართან მიმართებაში კიდევ 6 პუნქტით გაუფასურდა. დოლართან მიმართებაში ლარის ახალი ოფიციალური გაცვლითი კურსი ეროვნულმა ბანკმა დაახლოებით ერთი საათის წინ დაადგინა. ეროვნული ბანკის გუშინდელი ოფიციალური გაცვლითი კურსი 1.89 ლარი იყო, თუმცა კომერციულ ბანკებსა და სავალუტო ჯიხურებში 1 დოლარის შეძენის ფასმა 2 ლარს გადააჭარბა.
