საპარლამენტო უმრავლესობის ლიდერი დავით საგანელიძე პარლამენტის ვიცე-სპიკერობიდან ზურაბ აბაშიძის გაწვევისა და უმრავლესობის კვოტოთ ახალი ვიცე-სპიკერის დასახელების საკითხს კიდევ ერთხელ დასვამს.
როგორც საგანელიძემ ჟურნალისტებს განუცხადა, უმრავლესობამ ამ თვალსაზრისით პარლამენტის რეგლამენტით დადგენილი წესების შესაბამისად უნდა იმოქმედოს.
აღნიშნულ თემაზე საუბრისას საგანელიძე იმ ინფორმაციასაც გამოეხმაურა, რომლის მიხედვითაც, ვიცე-სპიკერობა დეპუტატ ნანა ყეინიშვილს სურს. საგანელიძის თქმით, სადღეისოდ არც ერთი კანდიდატურა განხილვის საგანი არ ყიფოლა.
"ნანა ყეინიშვილი, ისევე როგორც უმრავლესობის ნებისმიერი წევრი შეიძლება განხილული იყოს უმრავლესობის ვიცე-სპიკერის პოსტზე, მაგრამ არც ერთ კონკრეტულ პიროვნებაზე საუბარი არ ყოფილა, მათ შორის არც ყეინიშვილის კანდიდატურაზე", - განუცხადა ჟურნალისტებს საგანელიძემ.
