საქართველოს პრეზიდენტმა იაპონია-საქართველოს საპარლამენტო მეგობრობის ლიგის წარმომადგენლებთან სამუშაო საუზმე გამართა. შეხვედრისას მხარეებმა ორი ქვეყნის ურთიერთობა განიხილეს და საპარლამენტო დონეზე თანამშრომლობის გაღრმავებაზე შეთანხმდნენ. საუბარი საქართველოს ტერიტორიების ოკუპაციას, ოკუპირებულ რეგიონებში არსებულ ვითარებასა და საქართველო-რუსეთის ურთიერთობასაც შეეხო.
სამუშაო საუზმეს საქართველოს საგანგებო და სრულუფლებიანი ელჩი იაპონიაში ლევან ცინცაძე, საქართველოს პარლამენტის წევრები გია ცაგარეიშვილი, ნანა ყეინიშვილი, შოთა ხაბარელი და პრეზიდენტის მრჩეველი თენგიზ ფხალაძე დაესწრნენ.
